नेपाली युवा दिवेश पोखरेल उर्फ अर्थर गन अमेरिकाको गायन रियालिटी शो अमेरिकन आइडलको उपाविजेता भएका छन् । दिवेश पोखरेलले जित्ने धेरैले अड्कलबाजी गर्दा गर्दै अन्तत: जस्ट साम अमेरिकन आइडल बनिन् भने दिवेश उपविजेता बनेका छन्।
गत फेब्रुवरी १६ २०२० बाट शुरु भएको अमेरिकन आईडलको सिजन १८ को सो रियलिटी शो मा दिवेशले उत्कृष्ट प्रस्तुति दिदै जर्ज, दर्शक सबैको मन जित्दै आएका थिए।उनलाई सामाजिक संजालमा संसारभर बाट अत्यन्त राम्रो समर्थन थियो। उनले गाउने स्टाईलका धेरै फ्यान थिए।
दिवेशले आज सम्पन्न उपाधिका लागि फाइनल राउन्डमा ग्याबिन डिग्राको २००३ मा रिलिज भएको पप गीत ‘आई डोन्ट वान्ट टु बी’ र सन् १९७० मा लोकप्रिय पेण्डुलम एल्बमको ‘ह्याब यु एभर सीन दि रेन’ भन्ने रक गीत गाएका थिए।
कोभिड–१९ को महामारीका कारण अमेरिकन आइडलको फाइनलमा प्रतियोगीहरुले आफ्नै घरबाटै प्रस्तुति दिएका थिए। अमेरिकी आईडलको जजको रुपमा गायिका केटी पेरी, ल्युक ब्रायन,लियोनेल रिची,रायन सिक्रेष्ट र बबी बोन्स रहेका थिए।
गायिका केटी पेरीले पनि उनलाई अमेरिकन आइडलको दावेदार भएको बताइन्।कलंकीका दिवेश आफ्ना आमाबुबा र दिदीहरुसँगै क्यान्ससको उचितामा बस्दै आएका छन्।।
सन् २०१४ मा उच्च माध्यमिक तहको पढाई सकेर अमेरिका गएका उनका एल्बमहरु पनि सार्वजनिक छन्। ‘ग्रहण’ उनको पहिलो एल्बम हो जसलाई सन् २०१७ मा नेपाल आएर रेकर्ड गराएका थिए।
