सागर भुर्तेल, सिड्नी
नेपालबाट अष्ट्रेलियाको न्यु साउथ वेल्समा आउनुभएका अभिभावकहरुका लागि एनआरएनए अष्ट्रेलिया एससीसी न्युसाउथ वेल्सले वनभोज मेला गर्न लागेको छ ।
वनभोज मेलामा अभिभावकहरुका लागि नि:शुल्क स्वास्थ्य परिक्षणको पनि व्यवस्था रहने आयोजकले जनाएका छन् । यसका साथै मन्दिर दर्शन, लोक दोहोरि कार्यक्रम, विभिन्न सांस्कृतिक प्रस्तुति लगायत विभिन्न मनोरन्जनात्मक कार्यक्रमहरु रहनेछन् ।
आगामी २९ फेब्रुअरीमा हुने उक्त वनभोज मेलामा सहभागीताका लागि २१ फेब्रुअरी सम्ममा नाम दर्ता गराइसक्नु पर्नेछ । वनभोजको दिनमा बिहान ७:३० मा पिक अप र बेलुका ६ बजे ड्रप अफ गरिने बताइएको छ । सहभागिताको लागि अभिभावकलाइ २० डलर र अन्यलाई ३० डलर शुल्क लाग्नेछ ।
