अस्ट्रेलिया। येती फुटबल क्लबले समस्यामा परेका भिक्टोरियाका नेपाली विद्यार्थीहरुलाई सहयोग प्रदान गरेको छ।
मेलबर्न स्थित येती फुटबल क्लबका अध्यक्ष राज शर्माका अनुसार कोरोना महामारी सुरु भए लगतै लकडाउन पछि समस्यामा परेका ८ सय भन्दा बढी नेपाली विद्यार्थीहरुलाई क्लबले अहिलेसम्म खाद्य सहयोग प्रदान गरिसकेको छ। भिक्टोरिया सरकार, शरणार्थी संस्था र निजी व्यवसायहरुको सहयोगका साथ् दाल, चामल, तेल र चाउचाउ लगायतका आधारभूत खाद्य सामग्री वितरण गरिएको शर्माले बताउनु भयो।
शर्माले बताए अनुसार कोरोनाले निम्त्याएको समस्या पछि आफ्ना क्लबका खेलाडीहरुलाई राहत सहयोग वितरण गर्दै सुरु भएको आफ्नो यो अभियान भिक्टोरियामा रहेका अन्य नेपाली विद्यार्थीहरुलाई पनि सहयोग प्रदान गरिएको हो।
