सिड्नी। सिड्नीको अर्बन नेपाली समाजको अध्यक्षमा रविन्द्रकुमार शर्मा चयन भएका छन् ।
अबर्न पार्कमा आयोजित साधारणसभाले सिड्नीको अबर्नमा बसोबास गर्ने नेपालीहरुको संस्था अबर्न नेपाली समाजको अध्यक्षमा रविन्द्रकुमार शर्मा चयन गरेको हो।
त्यसैगरी कार्यसमितिको उपाध्यक्षमा जितेन्द्र श्रेष्ठ र सविन डाँगी, रहेका छन भने क्रमश: महासचिवमा सन्तोष आचार्य, सचिवमा राजेश टण्डन, कोषाध्यक्षमा तमन्ना शर्मा, महिला संयोजकमा सबला बस्नेत, युवा संयोजकमा युद्धिका कुँवर चयन भएका छन् ।
त्यस्तै कार्यसमिति सदस्यहरमा मनोज अधिकारी, भुपेन्द्र कँडेल, आयुष अधिकारी, निशान कार्की, धिरेनबहादुर थापा र दिपेन्द्र घिमिरे छानिएका छन् ।
यस्तै समाजको सल्लाहकारमा दिनेशकुमार पोखरेल, पत्रकार मनऋषि धिताल, रमेश बानियाँ, राजकुमार श्रेष्ठ, शशी राई र राजु गिरी चयन भएका छन् भने निवर्तमान अध्यक्ष अशोक उप्रेति संस्थाको संरक्षक बनेका छन् । सिड्नीका अगुवाहरुको सहभागितामा सम्पन्न साधारणसभापछि एमएनटीभीसँग कुरा गर्दै अध्यक्ष शर्माले स्थानीय काउन्सिलहरुसँगको सहकार्य र सहयोगमा सरकारी अनुदान प्राप्त गरी नेपाली समूदायलाई विभिन्न सुविधा प्रदान गर्ने कार्यमा आफ्नो योजना केन्द्रित रहेको बताए।
यो भन्दा अघि अध्यक्ष शर्मा संस्थामा ईभेन्ट कोअर्डिनेटरको भूमिकामा थिए । “हामीले सिड्नीमा नेपाल फेष्टिभल पछिको सबैभन्दा ठूलो कार्यक्रम आयोजना गरेका थियौं । १० हजार भन्दा बढी सहभागी थिए । शायद त्यतिबेलाको मेरो कामलाई हेरेर नै सबैले प्रस्ताव गर्नुभयो ।” शर्माले भने।
