अष्ट्रेलियाको मेलबर्नमा बस्दै आएका सन्जय सेन्चुरी विगत केही समय देखी भिडियो छायांकन तथा निर्देशनमा लागेका छन् । विद्यार्थी जीवनमा आफ्नो रुचीलाई पछ्याएर यसमा करियरको बाटो खोज्न सकिन्छ भन्नको लागि उनी एक गतीलो उदाहरण हुन् । उनले आफ्नो करियरको सुरुवाती दिनमा अष्ट्रेलियाबाट नै विभिन्न नेपाली गीतहरुकाे कभर भिडियो बनाएका छन् ।
हालै मात्र सन्जयले एक नयाँ कभर भिडियो लिएर आएका छन् । गायक संजीत श्रेष्ठ , छेवंग लामा र बृजेश श्रेष्ठले गाउनुभएको ‘ए मेरो हजुर || भन्छु आज म’ को सेन्चुरीले कभर भिडियो तयार गरेका हुन् । सन्जयले निर्देशन गरेको यो दोस्रो कभर भिडियो हो ।
मेलबर्नको रमणीय ठाउँहरुमा छायांकन गरिएको यस कभर भिडियोमा सुशान्त योञ्जन, मन्दिरा शर्मा र डिकेन लामाले अभिनय गरेका छन् । सम्पादन सेन्चुरी आफैले गरेका यस भिडियोलाई ‘बाबा फिल्म्स प्रोडक्सन’ ले बजारमा ल्याएको हो ।
