अस्ट्रेलिया । न्यु साउथ वेल्समा थप नयाँ संक्रमित फेला परेका छन । पछिल्लो २४ घण्टामा त्यहाँ २ सय ८५ जनामा कोरोना भाइरसको संक्रमण पुष्टि भएको छ ।
गत २४ घण्टामा न्यु साउथ वेल्समा १ लाख ३३ हजार ८ सय ४० जनाको परीक्षण गर्दा २ सय ८५ जनामा कोरोना पुष्टि भएको हो । ती मध्य २ जना बाहिरी हुन् भने बाकि २ सय ८३ जना स्थानीय संक्रमित हुन्। त्यस्तै आज थपिएका संक्रमित सहित कूल संक्रमितको संख्या ११ हजार १२ पुगेको छ ।
स्वास्थ्य विभागका अनुसार सोहि अवधिमा ११ हजार ३ सय २७ जनाले कोरोना विरुद्धको खोप लगाएका छन । यो सहित अहिलेसम्म खोप लगाउनेको कूल संख्या ४४ लाख ४९ हजार ५६ पुगेको छ । त्यस्तै अझै ३ सय ४९ जना अस्पतालमा भर्ना रहेका छन ।
