अष्ट्रेलिया। पछिल्लो २४ घण्टामा न्यु साउथ वेल्समा थप २ सय २ जना कोरोना संक्रमित फेला परेका छन।
गत २४ घण्टामा फेला परेका २ सय २ संक्रमित मध्य ३ बाहिरी र १९९ स्थानीय रहेका छन। त्यस्तै प्राप्त जानकारी अनुसार उक्त अवधिमा त्यहाँ कोरोना संक्रमणका कारण कसैको पनि ज्यान गएको छैन।
पछिल्लो २४ घण्टामा न्यु साउथ वेल्समा १ लाख ४ हजार भन्दा बढीको कोरोना परीक्षण गर्दा उक्त संक्रमित फेला परेका हुन्।
यस्तै भिक्टोरियामा पनि थप नयाँ संक्रमित भेटिएका छन। त्यहाँ गत २४ घण्टाको अवधिमा १ बाहिरी र ४ स्थानीय गरि जम्मा ५ जनामा कोरोना भाइरसको संक्रमण पुष्टि भएको हो ।
यसैगरी, पछिल्लो २४ घण्टामा क्विन्सल्याण्डमा थप १६ जना व्यक्तिमा कोरोना भाइरसको संक्रमण पुष्टि भएको छ । प्राप्त जानकारी अनुसार सो अवधिमा थपिएका संक्रमित सबै स्थानीयनै रहेका छन।
