अष्ट्रेलिया । फेरी न्यु साउथ वेल्समा १ सय ५१ जनामा कोरोना भाइरसको संक्रमण पुष्टि भएको छ ।
गत २४ घण्टामा कोरोना संक्रमणका १ सय ४५ स्थानीय र ६ बाहिरी केसहरू पत्ता लागेको न्यु साउथ वेल्सको स्वास्थ्य विभागले दिएको जानकारी दिएको हो।
त्यस्तै २४ घण्टाको अवधिमा ९८ हजार १ सय ५८ जनाको स्वाब परीक्षण गर्दा १ सय ५१ जनामा कोरोना संक्रमण पुष्टि भएको हो। न्यु साउथ वेल्समा कोरोना संक्रमणबाट थप २ जनाले ज्यान गुमाएका छन। यो संगै हालसम्म न्यु साउथ वेल्समा मात्रै कोरोना भाइरसको संक्रमणका कारण ज्यान गुमाउनेको कुल संख्या ६४ पुगेको छ ।
उक्त अवधिमा भिक्टोरियामा भने १२ जनामा कोरोना भाइरसका संक्रमित फेला परेका छन। त्यहाँको स्वाथ्य विभागका अनुसार फेला परेका उक्त संक्रमित मध्य १ जना बाहिरको र बाकि ११ जना स्थानीय रहेका छन।
