भिक्टोरिया, अस्ट्रेलिया। बिहीबार मात्र भिक्टोरियामा थप २६ जना नयाँ व्यक्तिमा कोरोना भाइरसको संक्रमण भिक्टोरियामा देखिएको छ।
उक्त संक्रमित मध्य २४ जना कोरोना संक्रमित क्वारेन्टाइनमा भएको स्वास्थ्य विभागले जनाएको छ । भिक्टोरियामा कोरोना संक्रमण बढेको भएता पनि प्रभावकारी भएको भिक्टोरियाका स्वास्थ्यमन्त्री मार्टिन फोलीले बताएका छन्। उनले लकडाउनका कारण कन्ट्याक्ट ट्रेसिङको काम सहज भएको पनि उल्लेख गरेका छन् ।
त्यस्तै विभागका अनुसार अहिले भिक्टोरियामा कोरोना संक्रमण ९२ प्रतिशतले बढेको छ । बिहीबार फेला परेका कोरोना संक्रमितका केसहरू न्यु साउथ वेल्ससँग जोडिएको भिक्टोरियाको स्वाथ्य विभागले उल्लेख गरेको छ । यस्तै बिहिबार थपिएका उक्त संक्रमित सबै संख्या लोकल भएको विभागले जनाएको छ।
