अस्ट्रेलिया, ब्रिजबेन। पछिल्लो समय नेपाल कोरोना भाइरसको दोस्रो लहरमा रहेको छ। त्यस्तै संक्रमित डर र मृत्यु हुनेको संख्या पनि दिन प्रति दिन बढ्दो नै छ यसै बीच नेपालमा विभिन्न आवश्यक स्वास्थ्य सामग्रीको अभाव देखिएको छ।
यस कारण प्रभावित भएको नेपालमा स्वास्थ्य सामाग्री किन्न मित्र राष्ट्र आर्थिक सहयोग गर्ने भएको छ ।
अष्ट्रेलियन सरकारले नेपाल, बंगलादेश र श्रीलंकालाई १७. ५ मिलियन डलर सहयोग गर्न लागेको शुक्रबार विदेशमन्त्री मरिस पेनद्धारा जारी गरिएको विज्ञप्तीमा उल्लेख गरिएको छ । सहयोग रकममध्ये ७ मिलियन अर्थात साढे ६३ करोड रुपैयाँ नेपालका लागि खर्च गरिनेछ । नेपालमा जाने सहयोग रकम नेपाल सरकारमार्फत भने नजाने भएको छ।
सहयोग पठाउनका लागि अष्ट्रेलियन सरकारले संयुक्त राष्ट्र संघको नियोग तथा गैर सरकारी संघसंस्थालाई मध्यम बनाउने विज्ञप्तीमा उल्लेख छ । सहयोग रकमबाट अत्यावश्यक स्वास्थ्य सामाग्री खरिद गरिनेछ ।
त्यस्तै कोरोना संक्रमणको दर उच्च रहेका उत्तरपुर्वी हिन्द महासागर क्षेत्रका देशहरुलाई सहयोग गर्न अष्ट्रेलिया सदैव तयार रहेको विदेशमन्त्री पेनले बताउनुभयो । मन्त्री पेनले भन्नुभयो “अष्ट्रेलियाले गर्ने सहयोग सिधै अति आवश्यक क्षेत्रमा सहायता पुर्याउनका लागि प्रयोग हुनेछ।”
?? is partnering with Bangladesh, Nepal and Sri Lanka in their response to increasing COVID-19 cases. We will provide $17.5m in funding for emergency relief with support to be delivered by trusted on-the-ground partners. ?????? @dfat @ZedSeselja Read more: https://t.co/tJIqk33QcP
— Marise Payne (@MarisePayne) May 21, 2021
