सिड्नी। २८ औं मदन आश्रित स्मृति दिवसको अवसरमा प्रवासी नेपाली एकता समाज न्यूसाउथवेल्सले आयोजना गरेको रक्तदान कार्यक्रम सम्पन्न भएको छ।
एकता समाजका सदस्यहरुले सिड्नीको टाउन हलमा अवस्थित लाईफ ब्लड सेन्टरमा जम्मा भएर रक्तदान कार्यक्रम गरेका हुन् । कार्यक्रम संयोजक एवं न्यूसाउथवेल्स अध्यक्ष कृष्ण सापकोटाका अनुसार अष्ट्रेलियामा आएर पहिलो पटक रक्तदान गर्नेहरुदेखि नियमित रक्तदान गर्नेहरु पनि उक्त कार्यक्रममा सहभागी भएको थिए।
रक्तदानपछि कुरा गर्दै अध्यक्ष पाण्डेले आफ्ना आदर्श नेताहरुको सम्मानमा समाजउपयोगी कार्यक्रम भएको र त्यसमा सहभागी हुन पाउँदा निकै खुशी लागेको बताए । उक्त कार्यक्रममा प्रवासी नेपाली एकता समाज अष्ट्रेलियाका अध्यक्ष रमेश पाण्डे, एनआरएन ओसेनिया क्षेत्रीय संयोजक एनआरएन अष्ट्रेलियाका पूर्वअध्यक्ष महेन्द्र ओली लगायतले सहभागिता जनाएका थिए ।
