गत जेठ १० गते रुकुम सोतीमा प्रेमको नाममा जातीय नरसंहार भयो । कथित दलित जातका नाममा नवराजको प्रेम भेरी नदीमा ३ करोड नेपालीले हेर्दाहेर्दै बगेर कहिले नफर्किने गरी सागरमा मिल्न पुग्यो ।
जाजरकोटका विश्वकर्मा थरका नवराज र रुकुमकी ठकुरी थरकी युवतीले प्रेम सम्बन्ध अघि बढाउँदा जातको हिसाब दुवैले गरेका थिएनन् । उनीहरूका बीचमा मात्र सीमित हुन्जेल प्रेममा कसैको तगारो थिएन । तर, जब उनीहरू विवाहका निम्ति अग्रसर भए परिवार मात्र होइन, सिंगो सोतीगाउँ नै पहिला उनीहरूको प्रेमको र त्यसपछि जीवनकै हत्या गर्न अग्रसर देखियो । यो क्रूरतम् हत्याकाण्ड यो शताब्दीकै एउटा कलंकित घटना बन्न पुग्यो ।
आज यो घटनालाई विश्वमा रहेका नेपालीलाई तरङगीत बनाएको छ। ठाउँ ठाउँबाट आवाज उठी रहेका छन्। यहि घटनालाई आधार बनाएर पोखराका केही युवाहरुले सर्ट मुभी “रुकुम हत्याकाण्ड” बनाएका छन्।यसको कथा र कन्सेप्ट प्रशान्त गुरुङ र निशा गुरुङको हो भने भिडीयो र सम्पादन अमर राई र अमन थापा गुरुङले गरेका हुन्।
