चीनको वुहानबाट सुरु भएको कोरोना भाइरस (कोभिड–१९) का कारण संसारभर त्रास फैलिरहेको छ यतिबेला ।
कोरोना भाइरसका कारण मंगलबार भारतको जयपुरस्थित प्रतापनगरमा एक अनौठो घटना घटेको छ ।
प्रतापनगरको राजस्थान युनिभर्सिटी अफ हेल्थ साइन्सेज (आरयूएचएस) मा घटेको घटना हो यो । कोरोना भाइरसको आशंकामा एक विरामी अस्पतालमाआउनासाथ त्यहाँ रहेका सबै विरामी अस्पताल छाडेर भागेको विविसीले जनाएको छ ।
ती विरामी मंगलबार उक्त अस्पतालमा पुगेका थिए । उनलाई उक्त अस्पतालको २८६ नम्बरको मेल वार्डमा भर्ना गरिएको थियो । विस्तारै उनलाई कोरोनाभाइरस संक्रमणको आशंकमा अस्पतालमा भर्ना गरिएको कुरा अस्पतालभरी फैलियो अनि सबै विरामी अस्पतालबाट भागेको बताइको छ । अस्पतालमारहेका कर्मचारीहरु पनि उनीसँग डराएका थिए । यति मात्र होइन, ती विरामीलाई जाँच गर्न डाक्टर र नर्स पनि उनलाई जाँच गर्न नगएको बताइएको छ ।एकैछिनमा कोरेनाको त्रास र खबर आगोसरी यसरी फैलियो कि, अस्पतालको ८ वटै तलमा रहेका विरामी निस्कीएका थिए ।
भर्ना गरिएका कोरोना भाइरस पीडित भनिएका विरामी चिच्याउँदै आफ्नो उपचारका लागि डाक्टरहरुसँग अनुरोध गरिरहेका थिए तर भाइरस संक्रमण हुनेडरले उनीहरुले उनको चिच्याहट सुनेको नसुन्यै गरेर बसेको बताइएको छ ।
ती विरामी अस्पतालमा पुगेपछि ओपिडीमा ५६० विरामी उपचारका लागि नाम लेखाएका थिए । ती विरामी भर्ना भएको पछिल्लो दिन बुधबार उक्तअस्पतालमा एकजना पनि विरामी नगएको बताइएको छ ।
यसबारेमा अस्पतालले बोल्न नमानेको बिबिसीले जनाएको छ । ती विरामीको हेरचाह गरिरहेका नर्सिङ कर्मचारीले आफूहरु यस्तो परिस्थितिसँग जुध्नतयार रहेको तर आफूहरुको साथमा किट पनि नरहेको र अस्पतालको आइसोलेशन वार्डमा आवस्यक सामान नरहेको बताएका छन् । ‘हाम्रो पनि शरीर हो। हाम्रो पनि परिवार छन् । डाक्टर कोरोना भाइरस संक्रमित भनिएका व्यक्तिका नजिक जान मानिरहेका छैनन् । हामी नर्सिङ कर्मचारीलाई मात्र जानभनिएको छ ।’
