आजभोली साङ्लाले तपाई हामीलाई निकै सताइरहेको छ । साङ्लालाई भगाउनको लागि खर्च पनि गर्ने गरेका छौं । तर, साङ्ला बेचेरै कमाउनेहरु पनि छन् भन्दा फरक नपर्ला । हो पछिल्लो समय साङ्लालाई पाल्ने गरिएको छ ।
उत्तरी चीनका केही मानिसहरु साङ्ला बेचेरै मालामाल भएका छन् । चीनमा साङ्लाको व्यवसायीक खेती हुने गर्छ । सन् २०१३ देखि चीनका किसान तथा व्यवसायीहरु उक्त व्यवसायलाई निरन्तरता दिइरहेका छन् ।
चीनका एक किसान जोउ हुईले सीएनएनसँग कुरा गर्दै भने ‘सुरुमा मैले साङ्ला खेती गर्दा धेरै मानिस हाँस्थे, मेरा मजाक उडाउँथे, मलाई के थाहा थियो भने साङ्ला खेति गरेरै म धनि हुन सक्छु ।’
उनले पालेको साङ्लालाई औषधि बनाउने कम्पनले खरिद गर्ने गरेका छन् । साङ्ला विभिन्न औषधी बनाउन प्रयोग गरिँदै आएको छ । त्यतीमात्रै होइन साङ्लालाई खाना तथा वाइन बनाउनको लागि समेत प्रयोग गरिदै आएको छ ।
