काठमाडौँ, जेठ-३०। काठमाडौँ उपत्यकामा थप एक हप्ता निषेधाज्ञा लम्बाईएको छ।
संक्रमणको दर केही कम भएपनि जोखिम कायमै रहेकाले काठमाडौं उपत्यकामा निषेधाज्ञा थप भएको हो । काठमाडौँ ललितपुर र भक्तपुरका प्रमुख जिल्ला अधिकारीको बैठकले एक हप्ता निषेधाज्ञा थप्ने निर्णय गरेको हो ।
थप गरिएको निषेधाज्ञाको मोडालिटी बमोजिम जेठ ३१ गतेसम्मको निषेधाज्ञामा बिहान ९ बजेसम्म खाद्यान्न तथा पसल र तरकारी पसल खुल्दै आएका छन् । अब ११ बजेसम्म खुलाउन दिइने छ । विकास निर्माणका कामलाई स्वास्थ्य मापदण्ड पालना गरी अगाडि बढाउन दिइनेछ ।
त्यस्तै अनलाइन डेलिभरी बिहान सात बजेदेखि सञ्चालन गर्न दिने, होटल बन्द गर्ने तर, होम डेलिभरी गर्न दिने निर्णय भएको भक्तपुरका प्रमुख जिल्ला अधिकारी प्रेम प्रसाद भट्टराईले काठमाण्डुपाटीलाई जानकारी दिए ।
