काठमाडौँ, जेठ-३। आज मात्रै नेपालमा थप ९ हजार २ सय ४७ जनामा कोरोना भाइरस संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा गरिएको पीसीआर विधि र एन्टिजन विधिबाट २२,००० भन्दा केही बढी परीक्षणमा ९ हजार २ सय ४७ जनामा संक्रमण देखिएको हो। त्यस्तै कोरोना संक्रमणबाट आज २१४ जनाले ज्यान गुमाएका छन। यो संगै हालसम्म कोरोना संक्रमणबाट मृत्यु हुनेको कुल संख्या ५ हजार २ सय १५ पुगेको छ।
त्यस्तै आज थपिएका संक्रमित सहित अहिले देशभरि १,१३,४८० जना सक्रिय संक्रमित रहेको मन्त्रालयले जनाएको छ। मन्त्रालयका अनुसार गत २४ घण्टामा ५ हजार ७ सय ६७ जना संक्रमण मुक्त भएका छन।
त्यसैगरी मन्त्रालयले प्रकाशित गरेको तथ्याङ्कमा सोमवार पनि काठमाडौँ उपत्यकामा धेरै सङ्क्रमित फेला पर्ने क्रम जारी भएको देखिन्छ। अहिले काठमाडौँमा २,३४६ जना, ललितपुरमा ४५४ जना र भक्तपुरमा २९८ जना संक्रमित थपिएका हुन्।
