एजेन्सी, जेठ ६
फ्रेन्च क्लब पिएसजीका अध्यक्ष नासिर अलि खिलाफीले इटालियन क्लब युभेन्टसका सुपरस्टार क्रिस्टियानो रोनाल्डोको तारिफ गरेकाछन् । हालै एक अन्तर्तार्तामा कुरा गर्दै खिलाफीले रोनाल्डोको मेहनत, क्षमता र उमेरको कुनै सीमा नरहेको भन्दै उनीजस्ता खेलाडी विरलैमात्र पाइने बताए ।
हाल ३५ वर्ष पुगेका रोनाल्डो अहिले पनि उच्च प्रदर्शन गरिरहेका छन् । उनी जारी सिजन युरोपियन टप–५ लिग मात्रै नभएर अन्तर्राष्ट्रियमञ्चामा पनि केन्द्रमा छन् । वर्ष २०२० सुरु भइकन रोनाल्डो शानदार लयमा ाछन् । यस वर्ष मात्र उनले कूल १४ गोल गरेका छन्, जुनअन्य कुनै पनि खेलाडीको भन्दा बढी हो । सिरी ए लिगमा मात्रै उनले यो सिजन २२ खेलबाट २१ गोल गरिसकेका छन् ।
‘फ्रान्स फुटबल’ म्यागजिनसँग कुरा गर्दै खिलाफीले भनेका छन्, ‘उनीसँग कुनै सीमा छैन । क्षमता, उमेर र मेहनतको । म उनकोआरामविहीनको ठूलो प्रशंसक हुँ । एक अर्को पछि अर्को वर्ष उनले अद्भूत प्रदर्शन देखाउँदै आएका छन् । उनी हरेक दिन आफूलाई झन्राम्रो र झन् उत्कृष्ट बनाउन प्रयासरत हुन्छन् । यस्ता खेलाडी मैले अरू देखेको छैन ।’
खिलाफीले मैदानभित्र जस्तै रोनाल्डो मैदानबाहिर पनि नायक रहेको बताए । ‘उनी मैदानका नम्बर वान नायक हुन्, यसमा शंका छैन ।तर, उनी मैदानबाहिर पनि नायक हुन्, उनमा उदारता र सहयोगी भावना विशल छ, समुद्रजस्तै । उनी साँच्चै महान् खेलाडीका साथै महान्सोच भएका मानिस पनि हुन्,’ खिलाफीले भने ।
पत्रकारले भविष्यमा रोनाल्डोले पिएसजीबाट खेल्न सक्ने सम्भावनाबारे सोधेको प्रश्नमा खिाफीले भने, ‘म यो सम्भावना देख्दिँन । उनीयुभेन्टसमै खुसी छन् । तर, उनीजस्ता खेलाडी पाउनु जुनसुकै क्लबका लागि पनि ठूलो कुरा हो । तर, मेरो विचारमा उनले करिअरकोअन्त्य रियल मड्रिड वा म्यानचेस्टर युनाइटेडबाट गर्दा सुन्दर हुनेछ । मलाई विश्वास छ, उनी अझै ५ वर्ष उच्च स्तरमा खेल्न सक्छन् ।उनलाई ४० वर्षको उमेरले फरक पार्नेछैन ।’
