बर्ष २०७५ मा सम्पन्न एसइई परिक्षाको नतिजा आज सार्वजनिक भएको छ। राष्ट्रिय परीक्षा बोर्डले गत वर्ष चैत १० गतेदेखि ३० गतेसम्म सञ्चालित परीक्षाको नतिजा बिहिबार प्रकाशित गरेको हो । बोर्डले गत चैत १० गते लिएको एसईईको नतिजा सातै प्रदेशको ग्रेडिङ प्रणाली अनुसार छुट्टाछुट्टै सार्वजनिक गरेको हो । धेरैको चासोको बिषय रहेकी अभिनेत्री करिश्मा मानन्धरले जीपीए ३ अर्थात ‘बि प्लस’ ल्याउदै एसइइ परिक्षा पास गरेकी छिन्। उनि बिहान बाट नै नतिजाको लागि उत्साहित रहेकी थिइन्। करिश्माको एसईई नजिता आउने बितिकै उनलाई गोल्डेन गेट कलेजले फ्री मा प्लस २ पठाउने बताएको छ। तर करिश्माले सरकारी कलेजमा पढ्ने प्रतिक्रिया दिएकि छिन।
यस वर्षको एसईई परीक्षामा १६ हजार ८२ ले ए प्लस ल्याएका छन्। ए प्लस ल्याउनेमा ९ हजार ५९६ छात्र र ७ हजार २८६ छात्रा छन्। ४ हजार ९६० ले ए जीपीए ल्याएका छन्। जसमा २७ हजार २७९ छात्र र २१ हजार ६८१ छात्रा रहेको राष्ट्रिय परीक्षा बोर्डले जनाएको छ। यस्तै, ७४ हजार ११० ले बी जीपीए ल्याए। जसमा ३९ हजार ९५ छात्र र ३५ हजार ५० छात्रा छन्।
