काठमाडौँ, जेठ-११। स्वास्थ्य तथा जनसंख्या मन्त्रालयका अनुसार आज मात्र नेपालमा ८ हजार ६ सय ३६ जनामा कोरोना भाईरसको संक्रमण पुष्टि भएको छ।
कुल २२ हजार ९ सय ३६ पीसीआर तथा एन्टिजेन परीक्षणका क्रममा ८ हजार ६ सय ३६ जनामा कोरोना देखिएको स्वास्थ्य तथा जनसंख्या मन्त्रालयले जानकारी दिएको छ। आज थपिएका उक्त संक्रमित सहित यससँगै हालसम्म देशभर कोरोना संक्रमितको कूल संख्या ५ लाख २८ हजार ८ सय ४८ पुगेको छ भने मुलुकभर सक्रिय संक्रमितको संख्या १ लाख १७ हजार २ सय ६१ रहेको मन्त्रालयले जानकारी दिएको छ।
त्यस्तै पछिल्लो २४ घण्टामा कोरोना संक्रमणका कारण १ सय ६९ जनाको मृत्यु भएको छ। योसँगै हालसम्म कोरोनाका कारण मृत्यु हुनेको कूल संख्या ६ हजार ७ सय पुगेको छ ।
त्यसैगरी देशभर आज मात्र ६ हजार ४ सय ४ संक्रमित निको भएर डिस्चार्ज भएका छन् । मन्त्रालयका अनुसार हालसम्म ४ लाख ४ हजार ८ सय ८७ जना संक्रमित उपचारपछि निको भएका छन् ।
