काठमाडौँ, जेठ-९। स्वास्थ्य तथा जनसंख्या मन्त्रालयका अनुसार नेपालमा आजमात्र ७ हजार ९ सय १४ जनामा कोरोना भाइरसको संक्रमण पुष्टि भएको छ।
देशभरका विभिन्न प्रयोगशालामा गरिएको १८ हजार ९ सय ६५ जनाको पीसीआर परीक्षणमा ७ हजार ५ सय ९८ र ९३१ जनाको एन्टिजेन विधिबाट गरिएको परीक्षणमा ३ सय १६ जना गरी कुल ७ हजार ९ सय १४ जनामा कोरोना पुष्टि भएको मन्त्रालयका प्रवक्ता डा.जागेश्वर गौतमले जानकारी दिनुभएको हो। आज थपिएका संक्रमित सहित हालसम्म नेपालमा कोरोना संक्रमितको कूल संख्या ५ लाख १३ हजार ५५७ पुगेको छ ।
त्यसैगरी मन्त्रालयका अनुसार हाल देशभर १ लाख १५ हजार ५४७ जना सक्रिय संक्रमित रहेका छन। त्यस्तै पछिल्लो २४ घण्टामा कोरोनाका कारण नेपालमा थप १ सय ९३ जना कोरोना संक्रमितले ज्यान गुमाएका छन। योसँगै हालसम्म कोरोना संक्रमणका कारण ज्यान गुमाउनेको कूल संख्या ६ हजार ३ सय ४६ पुगेको मन्त्रालयले जानकारी दिएको छ।
