काठमाडौँ, जेठ-८। पछिल्लो २४ घण्टामा नेपालमा ८ हजार ९ सय ८० जनामा कोरोना भाइरसको संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार गत २४ घण्टामा देशभर गरिएको पीसीआर र एन्टिजेन परीक्षणका क्रममा थप ८ हजार ९ सय ८० जनामा संक्रमण पुष्टि भएको हो।
गत २४ घण्टाको अवधिमा देशभरका प्रयोगशालाहरुमा गरी १९ हजार ३७५ जनाको आरटी–पीसीआर विधिबाट नमूना परीक्षण गरिएको थियो । पीसीआर परीक्षणका क्रममा ८ हजार ५९१ जनामा संक्रमण पुष्टि भएको हो ।
त्यसैगरी पछिल्लो २४ घण्टामा अवधिमा देशभर ७४८ जनाको एन्टिजेन परीक्षणबाट ३८९ जनामा संक्रमण पुष्टि भएको मन्त्रालयले जानकारी दिएको छ ।
त्यस्तै थप १ सय २९ जनाले कोरोना संक्रमणका कारण ज्यान गुमाएका छन।यो संगै हालसम्म नेपालमा ६ हजार १ सय ५३ जनाले संक्रमणका कारण ज्यान गुमाएका छन।
स्वास्थ्य मन्त्रालयका अनुसार हाल देशभर ८८६ जना व्यक्ति क्वारेन्टाइनमा रहेका छन। त्यस्तै आज देशभर ८ हजार ८ सय ४८ जना कोरोना संक्रमित निको भएका छन्।
