काठमाडौँ, जेठ-४। नेपालमा पछिल्लो २४ घण्टामा थप ८ हजार २ सय ३ जनामा कोरोना भाइरस संक्रमण पुष्टि भएको छ । योसँगै नेपालमा कोरोना संक्रमितको कूल संख्या ४ लाख ७२ हजार ३ सय ५४ पुगेको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार गत २४ घण्टामा नेपालमा थप ६ हजार ८ सय ९१ जना कोरोना संक्रमण मुक्त भएका छन्। योसँगै नेपालमा कोरोना संक्रमण मुक्त हुनेको संख्या ३ लाख ५२ हजार ४ सय १४ पुगेको छ ।
त्यस्तै नेपालमा आज मात्र थप १ सय ९६ जनाले कोरोना भाइरस संक्रमणका कारण ज्यान गुमाएका छन। योसँगै नेपालमा ज्यान गुमाउनेको कूल संख्या ५ हजार ४ सय ११ पुगेको छ।
त्यस्तै पछिल्लो २४ घण्टामा काठमाडौं उपत्यकामा २ हजार ६ सय ३५ जना कोरोना संक्रमित थपिएका छन् ।
काठमाडौंमा २ हजार ४९, ललितपुरमा ३ सय ६५ र भक्तपुरमा २ सय २१ जनामा कोरोना पुष्टि भएको स्वास्थ्य मन्त्रालयले जनाएको हो। हालसम्म काठमाडौं उपत्यकामा ४० हजार ७ सय ७४ सक्रिय संक्रमित रहेका छन् । मन्त्रालयका अनुसार काठमाडौंमा २७ हजार ३ सय ३९ ललितपुरमा ६ हजार ९ सय ९० र भक्तपुरमा ४ हजार ९ सय १६ जना सक्रिय संक्रमित रहेका छन।
