काठमाडौं – ‘इनफ इज इनफ’ का अभियन्ता ईःले अनशन तोड्ने भएका छन् ।
कोरोनाको सबल व्यवस्थापनको माग सम्बोधन हुने भएपछि आमरण अनशन बसेका ईःले अनशन तोड्ने भएका हुन् । उनी मण्डिखाटारस्थित हृयाम्स अस्पतालमा उपचाररत छन् ।
स्वास्थ्य मन्त्रालय र ‘इनफ इज इनफ’का प्रतिनिधिबीच आइतबार सम्झौतापत्रमा हस्ताक्षर हुने बताइएको छ । शुक्रबार पनि केही बुँदामा सहमति जुटेको जनाइएको छ ।
ईः आमरण अनशन बसेको २३ दिनमा आज औपचारिक रुपमा सम्झौता हुने भएको छ । उनी अनशनमा बसेको २३ दिन पुगेको छ । अनशनको १७ औं दिनमा स्वास्थ्य बिग्रिएपछि अस्पताल भर्ना भएका उनले अस्पतालबाट नै सत्याग्रहलाई निरन्तरता दिएका छन् ।
