काठमाडौ -सोमबार साँझ काठमाडौं कपनको आकाशेधारा चौरमा खेल्दै गरेका बच्चाहरूले एउटी नवजात शिशुलाई बेवारिसे अवस्थामा देखे । अनि तेसि समुहका बच्चा हरुले माया स्नेहका साथ बच्चालाई घरमा लैजाने र नाम प्राप्तिका राख्ने एक जना बालिका भनिन् जुन बोलेको कुरा भिडियो भाइरल भएको छ । ती बालिकाले बोलेको आधारमा अहिले उनको नाम प्राप्तिका राखिएको छ ।
बालबालिकाले नजिकै रहेको केयर चाइल्ड अर्फानेज र बाहिरका समेत बच्चाहरूले खेल्दै गर्दा भेटेको नवजात शिशुको बारेमा अर्फानेजकी सञ्चालिका पुष्पा अधिकारीलाई खबर गरे ।
कार्टुनको बाकसमा रहेकी ती शिशु देख्दा ४/५ दिनकी जस्ती देखिन्थिन् । बच्चाको स्वास्थ्य अवस्था सामान्य थियो ।
५ वर्षदेखि ११ वर्षसम्मका १५ जना बालबालिकालाई साहारा दिइरहेकी अधिकारी नयाँ बच्चा भेटिएको सुन्नासाथ सोही चौरमा पुगिन् । ‘साँझ त्यस्तै ६ बजेको थियो होला । दुईजना बच्चाहरू कराउँदै आए । चौरमा गएर हेर्दा त एउटा जीवित बच्चा छाडिएको रहेछ । मेरै जिम्मामा त्यो शिशुलाई बाल गृहमा सुरक्षित राखिएको छ ।’ अधिकारीले भनिन् ।
अधिकारीका अनुसार अहिलेसम्म बच्चाको स्वास्थ्य अवस्था सामान्य छ । बच्चाको तौल नापिएको छैन । बाँकी स्वास्थ्यको अवस्थाबारे भोलि(बुधबार) अस्पताल लैजाने तयारी भएको अधिकारीले बताइन् ।
अहिले देश बिदेशमा भिडियो लगायत समाचार भाइरल भएको छ । संयोग त के छ भने तेहा ती बालिकालाई देखेकी एक जना बच्चाले घरमा लैजाने र नाम प्राप्तिका राख्ने भन्ने पहिलो वाक्यमै आएको हुँदा अहिले उनी प्राप्तिका नामले भाइरल भएकी छिन।
