काठमाडौं -कोरोना भाइरसका कारण स्थगित भएको सिजन २०२० को इन्डियन प्रिमियर लिग (आइपिएल) टी-२० क्रिकेट प्रतियोगिता युएईमा हुने सम्भावना बढेको छ।
भारतीय क्रिकेट नियन्त्रण बोर्ड (बिसिसिआई) ले आगामी सेप्टेम्बर २६ देखि नोभेम्बर ७ सम्म युएईमा सिजनको आइपिएल गराउने विषयमा छलफल अघि बढाएको हो।
तर यो समयमा आइपिएल गर्ने विषयमा बिसिसिआईले औपचारिक निर्णय गर्न आइसिसी र भारतीय सरकारको निर्णय कुर्नु पर्नेछ।
आइसिसीले आगामी अक्टोबर १८ देखि नोभेम्बर १५ सम्म अस्ट्रेलियामा हुने तय टी-२० विश्वकप स्थगित गर्ने निर्णय गरेपछि आइपिएल गराउन बाटो खुल्नेछ।
आइसिसीले यहि महिना टी-२० विश्वकप गर्ने वा स्थगित गर्ने अन्तिम निर्णय गर्नेछ।
