भिक्टोरियाका मुख्य स्वास्थ्य अधिकारी प्रोफेसर ब्रेट सट्टनका अनुसार कोविड १९ को ६७ वटा नयाँ केसहरु गरेर २९६ केस पुष्टि भइसकेका छन्।
नयाँ केसहरुमा ४२ पुरुष र २५ महिला रहेका छन् जसमा टिन देखी असी बर्षका उमेर सम्मका रहेका छन्।
२९६ केसमा २५६ भिक्टोरीयाबाट र २५ रिजनल भिक्टोरीयाबाट देखीएको छ।
रिजनल भिक्टोरीया अन्तर्गत ग्रेटर जिलोङबाट ८, बालारातबाट ३, सर्फ कोस्टबाट २, वारन्नम्बूलबाट २, म्यासेडोन रेन्जेज र लाट्रोबबाट २, यारियाम्बियाक, गन्नावर्रा, हेपबर्न, मुराबूल, मिशेल, मिल्दुरा र ग्रेटर शेपार्टन सबै एक केस रेकर्ड भएको छ।
छ जना व्यक्तिको अस्पतालमा सुधार भई रहेको छ भने ७० जनाको निको भई सकेको छ। त्यस्तै हाल सम्म २२९०० भन्दा बढीले कोरोना भाईरस परिक्षण गरिसकेका छन्।
स्वास्थ्य सेवा विभागले यी सबै केसको निरीक्षण गरि रहेको र बाहिरबाट आएका सबैले चौध दिन सेल्फ आईसोलेसनमा बस्नु पर्ने छ।
सरकारले बाहिरबाट आउने सबैलाई चौध दिन सेल्फ आईसोलेसनमा बस्नै पर्ने कडा नियम बनाएको छ। इमर्जेन्सीको बेला निर्देशनको पालना नगरे व्यक्तिले $ २०००० सम्म जरिवाना र कम्पनीहरूले १००,००० सम्म सम्म जरिवाना तिर्नु पर्छ।
