अष्ट्रेलियामा आइतबार सम्पन्न बिएमडब्लू कप टि ट्वान्टी प्रतियोगिताको उपाधि आयोजक रोयल राइनोज क्रिकेट क्लबले जितेको छ ।
फाइनलमा सगरमाथा क्रिकेट क्लबलाई सुपर ओभरमा हराउँदै उपाधि जितेको छ । टस हारेर ब्याटिङ थालेको सगरमाथाले निर्धारित २० ओभरमा ७ विकेट गुमाउँदै १ सय ३८ रन बनाएको थियो । उसका आशिष जिसीले ३ चौका र २ छक्का सहित ५४ रनको योगदान दिए । अभिनास पौडेल २६ र कुशलले १७ रन जोडे । निरज श्रेष्ठले ४ ओभरमा १७ रन खर्चेर ३ विकेट लिए । निराजन कार्की र पुकार भण्डारीले १-१ विकेट लिए ।
रोयल राइनोजलेले जवाफी ब्याटिङगर्दै २० ओभरमा ७ विकेट गुमाउँदै १ सय ३८ रन बनाएपछि सुपर ओभरमा धकेलिएको थियो । मोहन पुनले ३ चौका र ४ छक्का सहित ५८, मनोज २४ र निरज श्रेष्ठले ११ रन जोडे । सगरमाथाका कुशलले ३,सुमित, निकेश र सजेन्द्रले १-१ विकेट लिए ।
सुपर ओभरमा रोयल राइनोजले १३ रन बनाएको थियो । सगरमाथाले १० रन बनाए पछि रोयल राइनोजले उपाधि जितेको थियो । सगरमाथाका अभिनास पौडेल प्रतियोगिताको सर्वोउत्कृष्ट खेलाडी र बलर चुनिए । रोयल राइनोज क्रिकेट क्लबको आयोजनामा मंसिर२२ देखी भएको बिएमडब्लू कपमा ८ टोलीको सहभागिता थियो ।
