मनि लाउन्ड्रिङको आरोपमा अष्ट्रेलियामा नेपाली युवकसहित चार जना पक्राउ परेका छन् । ७ अर्ब ७० करोड नेपाली रुपैयाँ बराबर (१०० मिलियन अष्ट्रेलियन डलर)को मनि लाउन्ड्रिङमा विपिन थापासहित नितिन कापिला, गगनदीप पह्वा र गोपाली दाह्ल पक्राउ परेका हुन् ।
मुख्य अभियुक्त कापिललाई विमानस्थलबाट पक्राउ गरेको अष्ट्रेलियन सञ्चार माध्यमले जनाएका छन् । दक्षिण सिड्नीलाई मुख्य केन्द्र बनाएर अष्ट्रेलिया र अन्य देशमासमेत उनीहरुले मनि लाउन्ड्रिङ गरेको आरोप लागेको छ ।
चार जनालाई नै मनि लाउन्ड्रिङ गरेको, आपराधिक गतिविधिमा संलग्न भएको र रकम लुकाउने काम गरेको अभियोग लागेको छ । प्रहरी अनुसन्धानले करोडौं रुपयाँ पर्ने सिंगापुरमा रहेको एक कम्पनी खारेज गराएर डलर असुल्ने काममा समेत उनीहरुको संलग्नता रहेको देखिएको छ ।
कापिलासहित सबै जना अहिले अनुसन्धानकै क्रममा रहेको र अदालतले समेत उनीहरुको जमानत अस्वीकार गरेको अष्ट्रेलियन सञ्चार माध्यमले जनाएका छन् । उनीहरुको सुनुवाई अर्को हप्ता हुनेछ ।
एजेन्सी
यस समाचार हामीले नागारीक डटकमबाट साभार गरेका हौ।
