आफ्नो १८ वर्षको इतिहासमा पहिलो पटक, सामाजिक सञ्जाल फेसबुकले आफ्नो दैनिक सक्रिय प्रयोगकर्ता (डेली एक्टिभ युजर्स) को संख्यामा गिरावट आएको बताएको छ ।
फेसबुकको मूल कम्पनी मेटा नेटवर्क्सले डिसेम्बरको अन्त्यसम्मको तीन महिनामा दैनिक सक्रिय प्रयोगकर्ताको संख्या १.९३० बिलियनबाट घटेर १.९२९ बिलियन पुगेको जनाएको छ।
टिकटक र युट्युबजस्ता प्रतिद्वन्द्वीहरूको तुलनामा आम्दानी पनि कम हुने कम्पनीको आशंका छ । साथै विज्ञापन कम्पनीहरूले आफ्नो खर्च कटौती गरिरहेका छन् ।
बुधवार १२१ बिलियन डलरको कुल सम्पत्तिका साथ जुकरबर्ग विश्वको सातौं धनी व्यक्ति थिए, तर बिहीबार बजार बन्द हुँदासम्म उनी शीर्ष दसको सूचीबाट बाहिरिन सक्छन्।
मेटाको सेयर मूल्यमा आएको गिरावटले कम्पनीको सेयर बजार मूल्यमा २०० अर्ब डलरभन्दा बढी घाटा पुगेको छ ।
