साढे ५ घण्टा भन्दा लामो अत्यन्त रोमाण्चक प्रतीस्पर्धात्मक खेलमा नाडालले रसियन खेलाडी ड्यानियल मेड्भेडेभलाई ३-२ सेटले पराजित गरेका हुन् । उत्कृष्ट पुनरागमन गर्दै राफेल नाडालले आइतबार दोस्रो वरीयाताका ड्यानिल मेदभेदेभलाई हराउँदै अस्ट्रेलियन ओपनको उपाधि जितेका छन् ।
नाडालले शुरुका दुई सेट लगातार हारेर खेलमा कमब्याक गर्दै अस्ट्रेलियन ओपनको उपाधि जितेका हुन् । उनले २-६, ६-७ (७-५), ६-४, ६-४ र ७-५ ले मेड्भेडेभलाई पराजित गरेका हुन् ।
नाडालाले कीर्तिमानी २१औं पटक ग्रान्डस्लाम जितेर नयाँ रेकर्ड बनाएका हुन् । छैटौँ वरीयाता प्राप्त स्पेनिसका नाडालको यो कीर्तिमानी २१औँ ग्रान्ड स्लाम उपाधि हो । यससँगै उनी २१ ग्रान्ड स्लाम उपाधि जित्ने पहिलो खेलाडी बनेका छन् ।
उनी टेनिसको इतिहासमा अब सबैभन्दा बढी ग्राण्डस्लाम जित्ने खेलाडी बनेका छन् । नाडालले नोभाक जाकोभिच र रोजर फेडेररलाई उछिनेर यो रेकर्ड बनाएका हुन् । जाकोभिच र फेडेररले समान २०-२० ग्राण्डस्लाम जितेका छन् ।
यसअघि उनले २००९ मा अस्ट्रेलियन ओपनको उपाधि जितेका थिए । त्यसयता चार पटक फाइनल पुगेर पनि नाडालले उपाधि जित्न सकेका थिएनन् ।
