जिलोंग नेप्लिज एसोसिएशनले सिटी अफ ग्रेटर जिलोङबाट ९ हजार १ सय पचास डलर अनुदान सहयोग प्राप्त भएको छ।
कुल अनुदान मध्ये $७१५० रकम व्यक्ति, स्वास्थ्य सेवा सम्बन्धी बिभीन्न क्रियाकलाप सन्चालन गर्नका साथै अन्य कल्याणकारी कार्यहरुमा खर्चीने जिएनएका अध्यक्ष निरज करणजितले बताउनु भयो।
त्यसैगरी दुईहजार डलर भने रङहरूको पर्व होली २०२२ कार्यक्रम आयोजना गर्न प्रयोग गरिनेछ।
जिएनएले आफ्नो बार्षीक साधारण सभा आगामी ५ डिसेम्बर शनिवार अपरान्ह ५ बजेबाट खान करी हट जिलोङमा आयोजना गर्ने भएको छ। त्यस्तै १९ डिसेम्बरका दिन बनभोजको कार्यक्रम तय गरेको छ।
यस अघि पनि जिलोङ नेप्लिज एसोसियसनले कोरोना माहामारी पछिको लकडाउनमा खाध्यन्न, ताजा पकाएको खाना, किराना सामान र खाँचोमा परेका अतिआवस्यकीय सामाग्रीहरु सामुदायिक सदस्यहरुलाई वितरण गरेको थियो।
जिलोङ नेप्लिज एसोसियसनले पानी सुरक्षा, मानसिक स्वास्थ्य, खेलकुद, कोभीड १९ सम्बन्धी जानकारी मुलक कार्यक्रम, खोप लगाउने कार्यक्रम लगाएत बिभीन्न साँस्कृतीक कार्यक्रमहरु समुदायमा गर्दै आएको छ।
