विराटनगरमा अवतरण हुन नसकेर काठमाडौंमा फोर्स ल्यान्डिङ गरिएको बुद्ध एयरको जहाज क्याप्टेन आङ्गेलु (एजी)शेर्पाले चलाएका थिए ।
काठमाडौंबाट विराटनगरका लागि उडान भरेको बुद्ध एयरको जहाजमा आइतबार आकस्मिक समस्या देखिएको थियो । विराटनगरमा अवतरण गर्ने क्रममा ल्यान्डिङ गेयरमा समस्या देखिएपछि काठमाडौंतर्फ फर्काइएको थियो ।
जोखिमपूर्ण अवस्था रहे पनि शेर्पाले काठमाडौमा सुरक्षित अवतरण गराएका थिए । विमानमा तीन बच्चासहित ७३ यात्रु रहेका थिए ।
