भिक्टोरियामा पछिल्लो २४ घण्टाको अवधिमा थप १९० जनामा कोरोना भाइरसको संक्रमण पुष्टि भएको छ ।ती मध्य १०३ केस लिङ्क केसहरु रहेका छन्।
सोहि अवधि भर ४९ हजार ५ सय ४८ जनाको कोरोना परीक्षण गरिएको छ भने सक्रिय संक्रमितको संख्या १३०१ रहेको छ । स्वास्थ्य विभागका अनुसार अहिलेसम्ममा ९६ लाख ९६ हजार १ सय ५१ जनाको कोरोना परीक्षण गरिएको छ ।
त्यसैगरी हालसम्म २० हजार ५ सय ६७ जना कोरोना संक्रमित उपचार पछि निको भएका छन् । यस्तै पछिल्लो २४ घण्टामा ३५ हजार ४ सय ६४ जनाले कोरोना विरुद्धको खोप लगाएका छन । यससंगै खोप लगाउनेको कूल संख्या २५ लाख ५३ हजार १ सय ७८ पुगेको छ ।
