जिलोङ तथा बार्वोन साउथ वेस्ट क्षेत्रमा बसोबास गर्नु हुने नेपाली समुदाएको मानसिक तथा शाररिक स्वास्थको मध्यनजर लगाउँदै गठन गरिएको डाँफे ड्र्यागन फुटबल क्लबले आज एक बिशेष कार्यक्रमको आयोजना गर्दै जर्सी बितरण गरेको छ।
कार्यक्रमलाई सम्बोधन गर्दै जिलोङ नेप्लिज एसोसिएसनका अध्यक्ष निरज करणजितले जर्सीको लागि सहयोग गर्ने भिक्टोरिया राज्य सरकार र ग्रेस ईन्टरनेशनल मेल्बर्नलाई बिशेष धन्यबाद दिनु भएको छ। साथै चाँडैनै ट्राइ सिरीज प्रतियोगिता र टेबल टेनिस प्रतियोगिता पनि हुन लागेको जानकारी गराउनु भयो।
सन् २०१६ देखि निरन्तर रुपमा साँस्कृतिक, सामाजिक, मनोरन्जनात्मक लगाएत बिभीन्न खेलकूद कार्यक्रम गर्दै आएको एसोसियसनले समुदायको मानसिक स्वास्थ्यलाई बढावा दिन र कल्याण सुधार का कार्यक्रम गर्दै आएको छ।यद्यपि केही कार्यक्रमहरु बिवीध कारणले गर्दा नियमित हुन सकेका छैनन्।
हाल क्लबमा २५ खेलाडी छन् र दिन प्रतिदिन बढ्ने क्रममा रहेको छ। राज्य र संघीय सरकारसँग पाइपलाइनमा केही प्रस्ताव रहेको र स्वीकृत भएमा चाँडैनै घोषणा गर्ने अध्यक्षले जानकारी गराउनु भयो।
