काठमाडौँ, बैशाख-२८। आज २८ गते मंगलबार नेपालमा ९ हजार ४ सय ८३ जना कोरोना संक्रमित थपिएका छ।
२० हजार ५९६ जनाको पीसीआर परीक्षण र ७२० जनाको एन्टिजेन विधिबाट गरिएको परीक्षण गरी कुल २१ हजार ३१६ जनाको परीक्षण गर्दा ९ हजार ४८३ जनामा कोरोना भाइरस पोजिटिभ देखिएको स्वास्थ्य तथा जनसंख्या मन्त्रालयले जनाएको छ।
पछिल्लो २४ घण्टामा २२५ संक्रमितले ज्यान गुमाएका छन। योसंगै नेपालमा कुल ४ हजार ८४ संक्रमितले ज्यान गुमाएका छन।
त्यसैगरी पछिल्लो २४ घण्टामा ५ हजार २ सय २५ जना कोरोना संक्रमित संक्रमण मुक्त भएका छन। कुल संक्रमितमध्ये हाल ९७ हजार ८ जना सक्रिय संक्रमित छन् भने ४४८ जना संक्रमित क्वारेन्टाइनमा छन् ।
यो पनि पढ्नुहोस:-
कोरोना भाइरस संक्रमण रोकथाम तथा नियन्त्रणका लागि काठमाडौं उपत्यकामा लगाइएको निषेधाज्ञालाई थप १५ दिन लम्ब्याउने निर्णय भएको छ ।
अहिले काठमाडौं उपत्यकामा जारी निषेधाज्ञा २९ गते सकिने भएकाले थप १५ दिन निषेधाज्ञा जारी गर्ने निर्णय भएको हो । सोमबार बसेको जिल्ला कोभिड संकट व्यवस्थापन केन्द्र डीसीसीएसी काठमाडौंको बैठकले कडाइका साथ निषेधाज्ञाको अवधी लम्ब्याउने निर्णय गरेको जनाएको छ।
