बर्दिया, बैशाख-२६। सशस्त्र प्रहरीले स्रोत नखुलेको साढे १७ लाख बढी भारतीय रुपैयाँसहित बर्दियाबाट एक जनालाई पक्राउ गरेको छ ।
पक्राउ पर्नेमा कैलालीको टिकापुर नगरपालिका–१ का २९ वर्षीय गोपाल चौधरी रहेका छन। सशस्त्र प्रहरीले राजापुर नगरपालिका–४ स्थित सतीघाट पुलबाट उनलाई पक्राउ गरेको हो।
उनको साथबाट १७ लाख ५० हजार भारतीय रुपैयाँ बरामद भएको सशस्त्र प्रहरी बल नेपाल बोर्डर आउट पोष्ट राजापुरले जनाएको छ । फेला परेको रकमको स्रोत खुलाउन नसकेपछि चौधरीलाई नियन्त्रणमा लिई जिल्ला प्रहरी कार्यालय बर्दियामा बुझाईएको सशस्त्रले जानकारी दिएको छ।
