केही फरक सोचका साथ मेल्बर्नमा यात्री हाउस अफ इभेन्ट्सको शुरुवात भएको छ।
साङ्गीतिक कार्यक्रमहरु मात्र नभएर कर्पोरेट कार्यक्रम, सामाजिक कार्यक्रम, खेलकुदका कार्यक्रम लगाएत बहुसाँस्कृतिक कार्यक्रमहरू लाई समेट्ने गरि ल्याइएको यात्री हाउस अफ इभेन्ट्सले पहिलो कार्यक्रमका रुपमा आगामी नयाँ बर्ष २०७८ लाई स्वागत गर्दै नयाँ बर्ष २०७८ रमाइलो साँझ आयोजना गर्ने भएको छ।
आगामी १२ अप्रीलमा हुने रमाइलो साँझ रुबिक्स वेरहाउस मेल्बर्न, ब्राउन्स्विकमा साँझ ७:३० बाट शुरु हुनेछ।
मेल्बर्नमा बसोबास गर्ने स्थानीय कलाकारहरुको प्रस्तुती रहने रमाइलो साँझ कार्यक्रममा विधार्थी भाईबहिनीहरुलाई सहभागीता जनाएर आफ्नो कला प्रस्फुटन गराउन यात्री हाउस अफ इभेन्ट्सका डाइरेक्टर प्रकाश काजी थापाले अनुरोध गर्नु भएको छ। साथै आगामी दिनमा नेपाली समुदाय लगाएत अन्य बहुसाँस्कुतीक समुदायसँगको सहकार्यमा केही उच्चस्तरीय कार्यक्रम ल्याउने समेत जानकारी गराउनु भयो।
