अष्ट्रेलियाको तास्मानियामा बसोवास गर्ने नेपाली समुदायमा खेलकुदको विकाससँगै खेल मार्फत मानिसमा शारीरिक, सामाजिक, मानसिक सुधार गर्ने अभिप्रायका साथ यसै हप्ता नेप्लिज तास्मानिया स्पोर्ट्स एसोसिएसन (NTSA ) गठन भएको छ।
प्रशेष पौड्यालको अध्यक्षतामा गठीत सँस्थाको उपाध्यक्षमा रविन भट्टराई, कोषाध्यक्षमा भोला श्रेष्ठ, सचिवमा सुरज श्रेष्ठ र सह-सचिवमा दीपिन बिम्ब रहेका छन्। संस्थाको जनसम्पर्क अधिकारीमा विष्णु सापकोटा, सल्लाहकारमा देव बास्कोटा र सम्पादकमा राजेश कुँवर चयन भएका छन्।
एनटीएसएको नवगठित कार्यसमितिका अध्यक्ष प्रशेष पौडेलले पत्रकार सम्मेलनमा बोल्दै होबार्टको खेल क्षेत्रमा करियरको उत्थानको लागि सबै प्रतिभाशाली खेलाडीहरुको सीप बृद्धि गर्नु र युवा शक्तिहरुलाई उर्जा प्रदान गर्ने मुख्य उदेश्यका साथ यसको स्थापना गरिएको बताउनु भयो।
पछिल्लो समय तास्मानियामा नेपालीहरुको बसोबास हुने क्रम बढेसँगै सँघसँस्थाहरु पनि धमाधम खोलीने क्रम जारी रहेको छ। आशा छ खेलकुदको माध्यमबाट तास्मानियाका नेपाली समुदायलाई एकजुट गर्न एनटीएसए कोसेढुङ्गा सावीत हुनेछ।
