अस्ट्रेलीया नेपाल पव्लिक लिङ्क (एएनपिएल) ले भिक्टोरीयामा बसोबास गर्ने नेपाली समुदाय बिषेशत: अन्तररास्ट्रिय बिधार्थीहरुलाई लक्षित गर्दै सुरक्षित ड्राइभिङको ज्ञान हाँसील गराउने उदेश्यका साथ निःशुल्क ड्राइभिंग तालीम दिने भएको छ।
पाँच सैदान्तीक र तिन व्याबहारीक तालीमका लागि एनपिएलले ईच्छुक व्यक्तिहरुलाई EOI भर्न आग्रह गरेको चौबीस घण्टामा नै एकसय एकचालीस जनाले फर्म भरेका छन्।
EOI भरेका सबैलाई केहि दिनमा नै समय तालिका सहित ईमेल पठाउने र ईमेलबाट प्राप्त प्रतीक्रिया (first come first serve) को आधारमा समाबेश गरिने छ।
भिक रोडबाट कम्युनिटी रोड सेफ्टी अनुदान प्राप्त तालीममा चालीस जनाको कोटा रहेको छ भने एक्काईस बर्ष माथीकाले सहभागीता जनाउन पाउने छन्।
यस अघि पहिलो चरणमा बिस जनाले निशुल्क ड्राईभिङको सैदान्तीक तालीम सफल्तापुर्बक लिई सकेका तर कोभीड १९को महामारी अनि भिक्टोरीयामा चौथो चरणको लकडाउनले व्याबहारीक तालीम भने स्थगन भएको थियो।
एएनपिएल एक नाफा रहित गैर सरकारी समुदाय संगठन हो जसले सन् २०१४ देखी अस्ट्रेलियामा नेपाली समुदायमा मानसिक रोगको रोकथाम, मानसिक स्वास्थ्य प्राथमिक उपचार तालिम लगाएत सडक / पैदल यात्री सुरक्षा, पानी सुरक्षा र घर र कार सुरक्षा परियोजना सम्बन्धी तालीम दिदै आएको छ।
