काठमाडौं -वेस्ट इन्डिजमा जारी क्यारेबियन प्रिमियर लिगमा सन्दीप लामिछाने आवद्ध जमैका तल्लावाजले आज गत संस्करण विजेता बार्बाडोस ट्राइडेन्ट्सविरुद्ध खेल्न लागेको छ ।
जमैका र बार्बाडोसविरुद्धको खेल नेपाली समयअनुसार राति १२ बजेपछि सुरु हुनेछ । जारी सिजनमा जमैकाले सेमिफाइनलमा स्थान बनाइसकेको छ ।
बार्बाडोस र सेन्ट किट्स एण्ड नेभिस प्याट्रियट्स भने यो पटक लिग चरणबाटै बाहिरिएका छन् । जारी संस्करणमा जमैकासँगै गायना अमेजन वारियर्स, सेन्ट लुसिया जुक्स, ट्रीनबागो नाइट राइडर्स सेमिफाइनलमा स्थान बनाउन सफल भएका छन् ।
बार्बाडोस ट्राइडेन्ट्समा जेसन होल्डर, कोरी एण्डरसन, राशिद खान, मिचेल सान्टनर, साई होप, हेडन वाल्स, एश्ले नर्स जस्ता नाम चलेका खेलाडी छन् ।
जमैकामा सन्दीपसहित रोभम्यान पावेल, आन्द्रे रसेल, चाडविक वाल्टन, ओशेन थोमस, कार्लोस ब्राथवेट, ग्लेन फिलिप्स, मुजिबउर रहमान, असिफ अली जस्ता स्टार क्रिकेटर छन् ।
