बार्सिलोनाका फरवार्ड लुइस स्वारेज इटालियन क्लब युभेन्टस जान सहमत भएको जनाइएको छ।
अब यसका लागि उनले बार्सिलोनालाई मनाउनुपर्नेछ।
बार्सिलोनामा उनको सम्झौता अवधि एक वर्ष बाँकी रहँदै नयाँ प्रशिक्षक रोनाल्ड कोम्यानले स्वारेजसहित केही खेलाडीलाई आफ्नोयोजनामा नरहेको सूचित गरेका थिए।
उरुग्वेका खेलाडी स्वारेजले बार्सिलोनासँग सो एक वर्षको ज्याला पनि माग्ने रिपोर्टहरुमा जनाइएको छ।
युभेन्टस जाने उनको प्रयास सफल भए स्वारेज क्रिस्टियानो रोनाल्डोसँगै खेल्ने छन्।
सन् २०१४ मा लिभरपुलबाट बार्सिलोना आएका स्वारेजले २८३ खेलमा १९८ गोल गरेका छन्। एजेन्सी
