रोल्पा थवाङका मृगौला पिडीत घर्ति मगरलाई अष्ट्रेलियामा बसोबास गर्दै आएका रोल्पालीले ५० हजार रुपैया सहयोग गरेका छन ।
थवाङ २ रोल्पा स्थायी घर भई हाल बाग्लुङको ग्रामीण भेगमा शिक्षण पेशा गर्दै आउनु भएका वर्ष ३१ का विकल घर्ति मगर विगत लामो समय देखि मृगौला दिर्घ रोघ (Chronic Kidney Disease) बाट ग्रसित हुनुहुन्छ।
पहिले नै एउटा मृगौलाले काम गर्न छाडे पनि आर्थिक अवस्था एकदमै कमजोर भएकाले २ जना स-साना छोरीहरु र परिवार पाल्नका लागि रोगसंग लढ्दै आफ्नो पेशालाई निरन्तरता दिदै आउनु भएका विकल घर्ति मगर जी को अहिले अर्को मृगौलाले पनि काम गर्न छोडेको छ।
हाल काठमाडौंको वीर अस्पतालमा निरन्तर डायलसिस उपचार गराईरहनु भएको छ|
उहाँलाई अस्ट्रेलीयामा बसोबास गर्दै आएका रोल्पालीहरुले बिदेशी भूमीबाट सानो सहयोग भए पनि गरौँ भनेर सहयोग उठाउन सुरु गरेका थिए जस अन्तर्गत शनिवार रु ५०००० नेकपा माओवादी केन्द्रका पूर्व पोलिट्ब्युरो सदस्य तथा हाल नेकपा (माओबादी) का सम्योजक बिमल अधिकारीले हस्तान्तरण गरेको सम्राट ओली ले जानकारी दिएका छन्|
यस्ले पिडितलाई सहयोग मात्रै भएको छैन की हामी रोल्पालीलाई प्रवासमा एकजुट बनाउन सहयोग गरेको छ र सम्पूर्णलाई एकमुस्ट हृदय देखि आभार प्रकट गर्दै थप सहयोगको लागी ओलीले हार्दिक अपील गरेका छन |
