जापान, कोरोना भाइरसको महामारीका कारण अर्को आपतकालको घोषणा गर्नु तत्कालै आवश्यक नरहेको जापानी प्रधानमन्त्रीसिञ्जो आबेले बताएका छन् । हालैका दिनमा जापानमा कोरोना भाइरसबाट संक्रमितको संख्या बढिरहेको छ । यसैबीच आबेलेबिहिवार हिरोशिमामा आयोजित एक पत्रकार सम्मेलनमा यस्तो बताएका हुन् ।
अहिले संक्रमितको संख्या बढेको भएपनि यस अघि अप्रिलमा आपतकाल लगाउँदाको बेलाको तुलनामा अहिले गम्भीर बिरामीको संख्याकम रहेको र मर्नेको संख्या पनि थोरै भएकोतर्फ आबेले औंल्याएका छन् । देशभरमा रहेका अस्पतालहरु कोभिड–१९ का बिरामीकोउपचारका लागि यस अघिको भन्दा धेरै सक्षम रहेको समेत उनले बताए । उद्देश्य संक्रमणको प्रसार सकेसम्म धेरै रोक्ने र सामाजिक तथाआर्थिक गतिविधि चलायमान बनाउनु भएको उनको भनाइ छ ।
‘यो निकै कठिन कार्य हो, तर हामीहरुले अर्को आपतकालको अवस्था टार्न तत्कालै काम गर्नेछौं र मानिसहरुको जीवन र जीविका पनिसुरक्षित राख्नेछौं,’ आबेले भनेका छन् । मेमा महामारी केही हदसम्म नियन्त्रणमा आएको भएपनि हालैका हप्तामा टोकियो र ओसाकालगायत शहरी क्षेत्रमा कोभिड–१९ का बिरामीको संख्यामा उच्च वृद्धि भएको छ । बुधवार देशभर १ हजार ३५५ संक्रमित फेला परेकाथिए ।
आगामी हप्ता ओबोन समर होलिडे परेकोले संक्रमितको संख्या थप बढ्ने हो कि भन्न चिन्ता छ । आगामी हप्ता यात्रा गर्दा सकेसम्म हावाआवत जावत नहुने, भिडभाड धेरै भएको ठाउँ अनि निकट सम्पर्क टार्न आबेले आम जनतालाई आग्रह गरेका छन् ।
