काठमाडौँको सुकुम्बासी बस्तीका गरिब रिक्सा चालकको संघर्षको कथा समेटिएको नेपाली चलचित्र ‘धुलो’ अव युट्युबमा हेर्न सकिने छ। चलचीत्र धुलोमा बुद्धि तामाङ, अग्रज केसी, सृजना सुब्बा, दामोदर गजुरेल, अमृता पाण्डे, सुदीप कार्की लगायतका कलाकारको अभिनय देख्न सकिन्छ भने नीर शाह, सुशील पोखरेल र लक्ष्मी बर्देवालाई समेत विशेष भूमिकामा देख्न सकिन्छ।
लक्ष्मी गौतम, नानीराम फुँयालले निर्माण गरेको चलचित्रमा दीपा धरेलको प्रस्तुती रहेको छ।सुवास सिंह बस्न्यातको कथा रहेको चलचित्र अर्जुन जिसीले सम्पादन गरेका हुन्। चलचित्रमा रहेका गीतको कोरियोग्राफी कविराज गहतराज र रामजी लामिछानेले गरेका छन्।प्रद्युम्न मिश्रले निर्देशन गरेका धुलोलाई रविन आचार्यले छायांकन गरेका हुन्।
