काठमाडौं, असार १
कोरोना भाइरस छिचोल्दै तीन महिनापछि सुचारु भएको स्पेनिस ला लिगा फुटबलमा बार्सिलोनाले पहिलो खेलमा शानदार जितनिकोलेको छ । नेपाली समयअनुसार आइतबार बिहान सम्पन्न खेलमा लिग लिडर बार्सिलोनाले १८औं स्थानको मालोर्कालाई ०–४ लेहरायो । मालोर्कालाई उसकै घरमा हराउनेक्रममा बार्सिलोनाका लागि अर्टुरो भिडाल, नयाँ खेलाडी मार्थिन ब्रेथवेट, जोर्डी अल्बा र कप्तानलिओनल मेस्सीले गोल गरे । मेस्सीले ९६ दिनपछि मैदान फर्किएको पहिलो खेलमा १ गोल गर्दै २ गोलमा असिस्ट गरे । मेस्सी खेलकोम्यान् अफ् द म्याच पनि बने ।
अवे मैदानमा बार्सिलोनाले खेल सुरु भएको ६५ सेकेन्डमै सुरुआती अग्रता लिएको थियो । लामो दूरीबाट डिफेन्डर जोर्डी अल्बाले दिएकोआकासे पासमा चिलियन मिडफिल्डर अर्टुरो भिडालले बक्स भित्रबाट सुन्दर हेडिङ प्रहारमा गोल गरेर घरेलु टोलीलाई सुरुआतमै झट्कादिएका थिए । बार्सिलोनाले पहिलो मुभमै गोल गरेर राम्रो सुरुआत गरेको थियो ।
सो गोलपछि मालोर्काले उत्कृष्ट प्रदर्शन गर्दै पटक–पटक गोलका लागि आक्रमण बुनेको थियो । खेलको २३औं मिनेटमा उसले एकअवसर गुमायो भने ३२औं मिनेटमा लोनमा खेलिरहेका युवा खेलाडी ताकेफुसा कुबोेको सुन्दर फ्रि किक प्रहारलाई बार्सिलोनाकागोलरक्षकले कठिन गरी बचाएका थिए ।
लगत्तै पहिलो हाफमै बार्सिलोनाले अग्रता दोब्बर बनायो । ३७औं मिनेटमा बार्सिलोनाका नयाँ खेलाडी मार्टिन ब्रेथवेटले सुन्दर गोल गरेरअग्रता ०–२ बनाए । सो गोलमा मेस्सीले असिस्ट गरेका थिए । बार्सिलोनाका लागि ब्रेथवेटको पहिलो गोल थियो । डेनिस खेलाडीब्रेथवेट गत जनवरी विन्डोपछि आकस्मिक अनुबन्धका रूपमा बार्सिलोना पुगेका थिए ।
पहिलो हाफमा २ गोल गरेको बार्सिलोनाले दोस्रो हाफमा थप २ गोल हान्यो । सो खेल खेलको ७९औं मिनेटमा जोर्डी अल्बाले गरेका थिए। तेस्रो गोलमा पनि कप्तान मेस्सीले नै असिस्ट प्रदान गरेका थिए । त्यसपछि खेलको इन्जुरी समयको तेस्रो मिनेटमा मेस्सीले विपक्षीखेलाडीलाई छलाउँदै थोरै उचाइबाट हानेको कडा प्रहारले जाली चुमेपछि खेल बार्सिलोनाले ०–४ ले जित्यो । मेस्सीको गोलमा फरवार्डलुइस स्वारेजले असिस्ट गरेका थिए । स्वारेज लामो समय चोटबाट गुज्रिएर हालै मात्र चोटमुक्त हुँदै मैदान फर्किएका हुन् ।
अब यो जितसँगै बार्सिलोनाले लिगको २८औं चरणको खेलपछि ६१ अंक जोडेको छ । उसले एक खेल कम खेलेको रियल मड्रिडलाई ५अंकले पछि छाडेको छ । २७ खेल खेलेको रियलको खातामा ५६ अंक छ । रियलले भोलि आफ्नो खेल खेल्दैछ । यता, बार्सिलोनासँगपराजित मालोर्का २५ अंकसहित १८औं स्थानमा यथावत छ ।
