काठमाडौं, जेठ ३१
जर्मन लिग बुन्डेसलिगामा उपाधि होडमा रहेको बोरुसिया डर्टमुन्डले संघर्षपूर्ण जित दर्ता गरेको छ । शनिबार राति भएको लिगको ३१औंसाताको खेलमा डर्टमुन्डले डुजेलड्रफलाई उसकै घरेलु मैदानमा ०–१ ले हरायो ।
अवे मैदानमा डर्टमुन्डलाई संघर्षपूर्ण जित दिलाउनेक्रममा दोस्रो हाफमा मैदान छिरेका युवा स्टार अर्लिङ हल्यान्डले १ मात्रै विजयी गोलगरे । उनले लामो दूरीबाट पाएको आकासे पासमा सुन्दर हेडिङ प्रहारमा गोल गरेका थिए । अन्ततः इन्जुरी समयको पाँचौं मिनेटकोअन्तिम १० सेकेन्ड बाँकी छँदा उनले गरेको सोही गोल ३ अंक जोड्न काफी बन्यो । यससँगै हल्यान्डले लिगमा ११ गोल गरेका छन् ।
त्यसअघि दोस्रो हाफमा पोर्चुगिज खेलाडी राफाएल गुरेरियाले गोल गरेका थिए । तर, सो गोल हुनेक्रममा ह्यान्ड बल भएपछि भिएआरलेउनको गोल रद्द गरिदिएको थियो । खेल ०–० अवस्थामा सकिने नजिक पुगेका बेला घरेलु टोली अन्तिम केही सेकेन्ड सम्हालिन नसक्दाडर्टमुन्डले जितको खुसी मनाउन सफल भयो ।
अब यो जितसँगै डर्टमुन्डले ३१ खेलबाट कूल ६६ अंक जोडेको छ । हालको अवस्थामा उसले लिग लिडर बार्यन म्युनिखसँगको अंक दूरी४ मा झारेको छ । तर, बार्यनले आजै राति आफ्नो ३१औं खेल खेल्दैछ । यदि सो खेल जिते बार्यनले पुनः ७ अंककै अग्रता लिनेछ । यदिआज डर्टमुन्ड हारेको थियो र यता आफ्नो खेल जितेको खण्डमा बार्यन आजै राति उपाधि च्याम्पियन बन्ने थियो । तर, बार्यनले उपाधिकालागि अझै दुई खेल जित्नुपर्ने भएको छ ।
