साईतामा। कोरोना भाइरसको संक्रमण फैलिन नदिन लगाइएको आपतकाल जापानभरबाट हटाइएको छ । कोरोना भाइरसको संक्रमणअपेक्षाअनुरुप घटेपछि बाँकी रहेका प्रिफेक्चरहरुबाट आपतकाल हटाइएको हो । प्रधानमन्त्री शिन्जो आबेले टोकियो सहित केहीप्रिफेक्चरहरुमा जारी रहेको आपतकाल हटेको सोमबार साँझ आयोजित पत्रकार सम्मेलनमार्फत घोषणा गरेका हुन ।
कोरोना भाइरसको संक्रमण फैलिन नदिन जापानभर लागू गरिएको आपतकाल गत हप्तासम्म ४२ प्रिफेक्चरहरुमा हटाइएको थियो ।बाँकी रहेका टोकियो, खानागावा, चिबा, साइतामा तथा होक्काइदोमा आजदेखि हटाइएको हो ।
आपतकाल हटाइएसंगै व्यवसायहरु खुल्न र घर बाहिर निस्कन नागरिकहरुलाई कुनै रोकतोक गरिनेछैन ।
जापानमा नयाॅं कोरोना संक्रमितहरुको संख्या दिनानु दिन घट्ने क्रममा रहेको र निको हुने संख्यामा पनि धेरै नै सुधारन्मूख देखिएकोले आपतकाल हटाएको प्रधानमन्त्रि को भनाई ।
