टोकियो । जापान सरकारले कोरोना भाइरसका कारण आर्थिक मारमा परेका साना तथा मझौला व्यवसायहरुलाई नगद लाभ बाड्न सुरुगरेको छ । त्यस्ता व्यवसायहरुलाई शुक्रबारदेखि बढिमा २० लाख येनसम्म उपलब्ध गराउन सुरु गरिएको हो ।
नयाँ कोरोना भाइरसको प्रकोपका कारण व्यवसायमा ५० प्रतिशत वा सोभन्दा बढि गिरावट आएका साना तथा मझौला व्यवसायीहरुसरकारले उपलब्ध गराउने सहायता रकम प्राप्त गर्नका लागि योग्य हुनेछन् ।
कोरोना भाइरसका कारण बन्द भएका वा ब्यापारघाटा भोग्न बाध्य ४ लाख भन्दा बढि व्यवसायीहरुबाट सहयोगका लागि आवेदन प्राप्तगरेको जापानको अर्थ, व्यापार तथा उद्योग मन्त्रालयले जनाएको छ ।
लाभका लागि योग्य हुन व्यवसायहरुको मासिक कमाई जनवरी देखि यता आधा घटेको प्रमाण पेश गर्नुपर्ने हुन्छ । यो बर्ष खुलेकाकम्पनीहरुको हकमा भने यो लाभ योजना लागू नहुने बताइएको छ ।
सहायता रकमले उत्पादन, खाद्य, रिटेलर सहित लेखक तथा कलाकारहरु सहित ठूलो हिस्सालाई समेट्ने अपेक्षा गरिएको छ ।
स्वःरोजगार तथा फ्रिल्यान्सरहरुको हकमा समेत सरकारले १० लाख येनसम्म सहायता रकम दिने बताइएको छ ।
