एनएसडब्ल्यूमा बिरामीको मृत्यु भएपछि अस्ट्रेलीयामा कोरोना भाईरसबाट मृत्यु हुनेहरूको संख्या २१ पुगेको छ। एनएसडब्ल्यू राज्यको पश्चिमी भागमा रहेको ओरेन्ज बेस अस्पतालमा कोरोना सङ्क्रमीत बिरामीको मृत्यु भएसँगै एनएसडब्ल्यूमा मृत्यु हुने संख्या १० पुगेको छ। अस्पतालमा भर्ना हुनु अघि बिरामीलाई भाईरसको पहिचान गरिएको थियो तर आज उनको मृत्यु भएको छ।
बुधबार अपरान्ह तीन बजेको जानकारी अनुसार अस्ट्रेलीयामा ४८६० कोरोना सङ्क्रमणको घटना देखिएको छ। क्यान्बेरामा ८४, न्यू साउथ वेल्समा २१८२, नर्दन टेरीटोरीमा १८, क्वीन्सल्याण्डमा ७८१, दक्षिण अस्ट्रेलियामा ३६७, तस्मानियामा ६८, भिक्टोरियामा ९६८ र पश्चिमी अस्ट्रेलीयामा ३९२ घटना रहेका छन्।
