अष्ट्रेलियामा कोरोना भाईरसको सन्त्रास फैलिँदै जाँदा उत्पन्न भएको विशेष परिस्थितिमा सुपर मार्केटहरुमा काम गर्ने विद्यार्थीहरुले साताको २० घण्टाभन्दाबढी काम गर्न पाउने नयाँ व्यवस्था गरिएको छ । अध्यागमन, नागरिकता तथा बहुसंस्कृति मन्त्री एलन टजले सुपर मार्केटहरुमा कर्मचारीको कमी हुन नदिनयस्तो व्यवस्था ल्याएको जनाएका हुन् ।
यो व्यवस्था वूलवर्थस्, कोल्स लगायतका प्रमुख सुपर मार्केटहरूको हकमा मात्र लागू हुनेछ भने अतिरिक्त घण्टा काम गर्न पाउने कर्मचारीहरू पनि पहिलेदेखि नै सोही स्थानमा कार्यरत हुनु पर्नेछ।तर अन्य सुपर मार्केटहरूले पनि यस्तो व्यवस्थाले आफूलाई सहयोग गर्ने पाएमा विभागमा सम्पर्क गर्न सक्नेछन्।
उनीहरूले अस्ट्रेलियाली उपभोक्ताहरूको सेवाका लागी र सुपर मार्केटमा सामाग्रीहरू भर्ने कामका लागी अस्ट्रेलियाली कामदारहरूका साथै अन्तर्राष्ट्रियविद्यार्थीहरूलाई पनि थप समय काम दिइन जरुरी रहेको बताएको विज्ञप्तिमा जनाइएको छ।तर यो व्यवस्था केही समयका लागी मात्र लागू हुने मन्त्रीटजले बताएका छन्।
